沖繩分享 - 沖繩成人式 x 暴走族
日本係一個好著重儀式嘅地方，由維治時代開始，就將每年嘅元宵節當日定係「成人の日」，為該年成為成人嘅年輕男女送上祝福。後來廢除農曆改用西曆嘅1月15號，但由2000年開始就改為每年一月第二個星期一（因為方便連假）。 喺成人の日為成年男女舉行成人儀式，並頒發證書，表示佢哋由果日開始正式成為成人，需要自己照顧自己同埋承擔社會責任。雖然日本已經將18歲定義為成人，但大家依舊會為20歲男女進行成人式。喺成人式當日，男嘅會著男袴(おとこばかま) 或Suit， 女嘅就會著振袖（ふりそで）出席，並接受父母、同事、主管、同學、親戚朋友嘅祝福，同時當時人亦要發表自己嘅未來計劃同理想。最有趣係，家人仲會將禮物放入去「時間木盒」並需要封印5年以上，仲要當日有份封印嘅家人在場先可以解封。 但沖繩因為歷史文化不一樣關係，所以會有一個不一樣嘅成人式，就係暴走族。 暴走族，日文ぼうそうぞく，係一種關於非法改裝電單車或汽車嘅文化。源自於神風特攻隊，暴走族會著上特攻服，印上漢字如：夜露死苦（よろしく）、愛羅武勇（アイラブユー）等「借字」(当て字)做標語。仲會將電單車加個超高座椅椅背、好似戰機咁嘅子彈頭等誇張裝飾，最重要係極度嘈吵嘅死氣喉氣。 一般暴走族成員都係20歲以下，因為喺日本現行法律上，只需16歲就可以駕駛50cc嘅小型電單車，亦因為但如果到成年後再危險駕駛就會可能留下案底，所以大多數成員都會把握最後一年機會，喺成人式當日進行最後一次活動。 而沖繩本來是獨立地區，亦因歷史關係多次易主，所以原本沖繩係冇成人式存在。導致佢哋對依類傳統儀式比較不重視，當然亦係年輕人反叛嘅藉口。種種原因之下，成人式當日就會成為沖繩暴走族嘅表演舞台，甚至某程度上成為「傳統」，連警方都見怪不怪，只要唔係嚴重問題，都唔會過份干預。 如果想觀賞依場「盛會」，可以今年(2026年)1月12日留意新都心、國際通或美國村一帶，以上都係往年暴走族集中嘅熱門地點。 PS. 去沖繩的話，記得搵我哋租車 #沖繩旅遊 #沖繩 #自駕遊 #香港人 #Okinawa #o_rentkuruma FB: 老hike都移民