自駕遊分享 — 停車場收費
最近有客人發生咗一單關於停車場收費問題，該客人住喺那霸市內民宿，而該民宿未有提供車位，所以就將車停泊喺民宿對面一個收費停車場，去到第二日上午拎車時，竟然要接近一萬円停車費，所以今次分享一下關於日本停車場收費事項，等大家可以避開陷阱。 日本停車場收費大致分兩類：時鐘、日數 日數 由酒店提供嘅停車場均用日子做單位，通常一泊(一晚)￥1,500左右，好處係幾點泊入去，第二日幾點離開都係一個價錢，中途仲可以隨便出入，完全唔需要考慮泊咗幾耐，第二日要幾點出車等問題，最緊要係通常都設喺酒店範圍內，非常方便，加上無隱藏收費，值得使用。 時鐘 一般停車場都會以時鐘方式去計算，每個地區收費都唔同，¥100/60分 ~ ¥300/20分都有，以下會分充享一下收費方面要注意嘅地方。 基本料金 xx分/ ¥xxx 每幾多分鐘就收幾錢，應該好容易理解。 最大料金 除咗基本料金外，日本停車場好多時都會有設定最大料金，即係Sling，最多會收幾多錢，前面會有個時間表示，eg 24時間最大料金¥1,000，就係泊24小時最多只會收¥1,000。但要小心，雖然「最大料金」四個字係有漢字，但只要喺後面加”ない“、”ありません“等個字眼就會變成「無最大料金」所以最好都係用google translate去確定下。 繰り返し 重覆使用意思，通常會配合「最大料金」出現，eg 24小時まで最大料金500円 最大料金は 繰り返しできます，就係代表 24小時¥500 (可以重覆使用)，但要小心，唔係見到繰り返し就代表可以重覆使用，同上面最大料金一樣，只要喺後面加上”できない“”できません“等，就會成個意思相反，所以最好都係用google translate去確定下。 曜日 日本停車場平日同假日收費唔同，連表達日子方式都唔同 日本係用：金、木、水、火、土、月、日黎表達星期幾。 簡單記住「土」係星期六，「日」係星期日，「祝」係假日就得 当日最大 当日最大係指當日上限只會計算到24:00。00:01開始會從新計過，如果00:01後係「祝曜日」收費都會以「祝曜日」再重新計算。 最後，有部份停車場係採用Camera式管理，入場時會有Cam將車牌號碼拍低，離開時需要自行去精算機輸入車牌號碼，因為冇升降機又無閘欄，所以好容易以為係免費停車場。如果無俾錢離開，停車場係會聯絡車主(租車公司...