沖繩生活分享 - 拉麵 & 沖縄麺
拉麵，相信香港人對佢一啲都唔陌生，而喺香港食拉麵，簡直係「貼錢買難受」，所以好多人去日本都會去拉麵店開餐，但喺沖繩呢，除咗拉麵之外，仲有另一種沖縄麺都相當出名，所以今次分享下關於拉麵&沖縄麺嘅分別。 喺開始之前，要先解說一下「そば」依個字嘅意思先。 そば 讀音so ba 漢字為蕎麦，喺日文內そば係指「蕎麦麺」嘅意思 但喺沖繩內，一般講そば都只會諗到沖縄麺，所以為咗避免混淆，日本從1972年開始，正式用「沖繩そば」「蕎麦麺」去區分。所以喺日本，由其係沖繩，會成日見到「中華そば」「沖繩そば」「蕎麦麺」等唔同嘅そば出現。 日式拉麵 a.k.a. ラーメン 佢唔單止受香港人喜愛，連日本人都追捧。拉麵日文用表示係外來語嘅片仮名「ラーメン」表達，發音來自漢語嘅「拉麵」，因為雖然日式拉麵係日式料理靈魂菜式之一，但其實拉麵唔係來自日本本土的。 credit by Savor Japan 日式拉麵，喺以前叫「南京そば」「支那そば」等，喺二戰後，因為字眼敏感所以後改稱「中華そば」或者就咁叫「ラーメン」所以推斷日式拉麵係來自中國，相傳嘅起源有三個講法: 喺大概16xx年時嘅明朝遺臣 - 朱舜水，探訪琉球時，帶咗個廣東廚師去，之後個廚師將烏冬個湯底加改，然後命名為「支那麵」，但後來都無hit過，所以都唔知係咪同拉麵有關。 之後去到18xx年，當時日本正式向外通商，有商人就將廣東湯麵帶過去開西菜館 - 洋和軒亦正式發售「南京麵」，不過睇返啲料理方法，同依家嘅拉麵做法完全唔同，似沖繩そば多過日式拉麵。 最後去到1910嘅東京淺草區，入面有一間中華菜館 - 來來軒，請咗一個中國廚師，然後改良咗舊時嘅「南京麵」，加入咗日式豉油外，仲加埋叉燒肉、嗚門卷、筍乾、海苔等配菜，就成為咗我哋今日食到嘅日式拉麵喇。 一般嚟講，日式拉麵個麵底都係用鹼水麵，並而厚度嚟區分為: 幼、中幼、中粗、粗麵等，而個厚度亦都根據日本工業規格以號碼去釐定，由1-30號碼去表達，號碼越大，麵就越幼，eg 30號拉麵，只有1mm厚。常見嘅用嘅粗度分別係18、20、22、24、26、28等。 而個湯底除咗有傳統嘅醤油、塩味及味噌外，依家仲有豬骨、白雞、牛、海鮮、甚至咖哩湯底，而食材更加多到數唔到… (雪糕都有，邊夠你玩…)，令到日式拉麵有極多變化。 日式拉麵喺日本有幾受歡迎，相信都唔駛介紹，但喺沖繩，仲有另一款麵更出名，就係...
