O. Rent Kuruma

繼上次分享完    馬路的事   後，相信大家對日本嘅交通規則有一定嘅了解，但其實喺日本自駕遊，除咗要留意交通規則之外，仲要留意道路標線，因為如果唔跟從道路標線，輕則抄牌罰款，重則引起交通意外。分享一下日本道路標線嘅意思。 喺開始之前大家要先攪清楚兩個 terms – 停車、駐車 停車 - 意思係指 俾乘客短時間內上落車 5 分鐘以內嘅上落行李 車輛即刻開車離開嘅狀況下停車 ( 司機可以短暫離開車廂 ) 駐車 – 意思係指 車輛長時間停止運作 為咗「等」乘客、行李上落而停車 超過 5 分鐘嘅上落行李 司機離開車廂，並處於一個唔可以即時開車嘅狀況 因為日本交通法對停車及駐車嘅處理唔一樣，所以要先攪清楚兩者分別。 開始入正題，日本道路標線大致上有： 單白虛線 一般行車線，喺安全情況下可以打燈轉線，亦可以超車。 單白實線 單白實線有幾個情況會出現 中央線 當要表示中央線時，就會用白色實線表示，用嚟分隔開往來車行線。依個時候嘅白色實線，係不准過線或超車。但如果前方出現障礙物，可以以壓線方式有限度咁過線。 分隔線 當白色實線係出現喺同一方向嘅行車道上，依個時候嘅白色實線係車道分隔線，用嚟分隔行通行帶，通常出現喺燈口位。喺依個情況下，白色實線同白色虛線係一樣，可以喺安全情況下可以打燈轉線，亦可以超車。 路側帶 當白色實線出現喺道路兩旁時，依個時候白色實線就叫「路側帶」，路側帶內，只有行人、 K-car 可以通過。當路側帶寬 75cm 以上時，更可以停車 ( 不准泊車 ) 。 虛實白線 當路側帶係用虛實白線黎表示時，代表該路側帶內，行人同 k-car 都可以通過，但不准停泊。 雙白實線 當路側帶係用雙白實線黎表示時，路側帶內只有行人可以通過，車輛唔可以進入。 單黃實線 單黃實線有兩個情況會出現 分隔線 當黃色實線用黎表達車道分隔線時。不論任何情況下，都唔可以過線，亦唔可以超車。但如果前方出現障礙物，可以以壓線方式有限度咁過線。 行人道標線 當黃色實線出現喺行人道上時，表示該區域嚴禁停泊。 另外當行人道標線係黃色虛線時，該區域可以停車但唔可以泊車。 黃白雙線 依類線比較特別，白線方可以過黃線方。相反，黃線方係唔可以過白線方。 影線 禁止進入嘅意思，任何情況下都唔可以進入影線部份 彩色道路 根據道路交通法，係無明確表明道路上顏色。但...

基本價錢: ￥10,000/日 (價錢會因日子而調整) 基本SPEC: 5+2人車  (建議人數: 4~5人) 1,497cc 2件28吋行李 混能車 (HEV) 自動波 (AT) 車內配置: 後泊車cam 藍芽 中英文GPS 前座4個usb插頭 Sienta 屬Toyota的MPV ( Multi-Purpose Vehicle)，集旅行車及貨車功能的家庭車。作為一輛家庭車，必然條件是要長者及小朋友上落舒服，所以Sienta地台只高33cm，同時設有電動 趟門，可以放心小朋友自己上上落落。 車廂內屬232設計 。只要將尾排收起， 令可載行李量由2件大幅提升到6件。亦不需擔心行李太多或購物太多的問題。 另外Sienta提供的HEV(Hybird Electric Vehicle)，不單止做到21km/L的油耗量，滿油時更能跑700km的距離， 節省旅途中需要找油站的時間。亦沒有因為他油耗少而導致減少輸出的問題。混能版更比傳統汽油車更令提供寧願的車廂同刪去車輛起步時的貼背感，更適合幼兒及嬰兒乘坐。 總括來說，Sienta是比較難坐7個人，但是非常適合4~5個人同時又行李量多的朋友。 如果想要傳統的7人車，比較推同廠的 Noah 或 旗艦級的 Alphard 如有問題請先看Q&A #Toyota #sienta #Okinawa #沖繩 #自駕遊 #香港人 FB: 老hike都移民

之前講過，沖繩本島話大唔大，話細唔細，大概有香港三倍大細，直線長度約103Km，如果自駕由南到北，都需時近三個鐘，為咗節省時間，所以好多人都會選擇上高速去追時間，但實際上又會快幾多，高速又有咩規矩要遵守？今次由O.Rent分享一下。 沖繩本島主要有兩條公路 國道58 國道58係一條由鹿兒島到沖繩嘅一般國道，全長約880Km，屬全日本最長嘅國道，但有中間有成635Km係屬海路。喺沖繩段，由最北嘅國頭村開始，經過名護、恩納、美國村等西岸沿線地方，到達壺川附近嘅明治橋完結。國道58以前係美國民政府嘅軍道，喺二戰時成為美軍後勤路線助美軍攻佔沖繩。之後喺美治時期被指定為政府道一號線，期間美軍係可以優先使用國道58，甚至唔俾當地人經過，去到1972年沖繩歸還日本之後先正式開放俾當地人用。 沖繩高速公路 正名係”沖繩自動車道”，編號為E58，全長約57Km，屬全日本全南同全西嘅高速公路。由許田交流站開始，經過宜野座、石川、北中城等地方，到達首里城附近嘅那霸IC站結束。有別於國道58，沖繩自動車道係行沖繩東邊嘅架空天橋，亦因為太短關係，所以都只設有一個PA (Parking Area)同一個SA (Service Area)，分別係中城PA同伊芸SA。 高速公路固名思義，行駛速度會比國道58略快，但係因為路線喺東邊，而大多旅遊景點都集中喺西邊嘅關係，所以實際時間上唔係快好多，以美國村起點為例： 行高速到許田休息站，所需時間係44分鐘46Km 行國道到許田休息站，所需時間係67分鐘42.7Km 相差只有20分鐘，而收費則需要約¥1,000，抵唔抵就見人見智。 另外高速公路嘅規矩同國道係唔同，例如 入口 沖繩高速公路入口有兩款  1. ETC專用入口 會以藍色標示。如果有租用ETC卡先可以行嘅通道，過機時請以時速20公里或以下速度通過。如果冇裝到ETC點算？放心沖繩大多IC入面都會有職員留守，所以叫佢哋幫手就得。 2. 一般入口 會以綠色標示，一般入口操作好簡單，進入高速時會有票機，拎票後唔好唔見，直到離開高速時俾票俾職員，之後會顯示價錢，付款後就可以離開，付款方式可接受現金或信用卡。 限速 喺國道一般冇指明速度嘅路段，最高60Km/h但沖繩高速公路係80Km/h* *日本本島係100Km/h 快線 喺國道係冇快慢線之分，只要行自己正常嘅路線就點行都得。但喺高速上，右邊線係叫「...